ჩემო ძვირფასებო, კეთილი იყოს თქვენი მორძანება! მე გახლავართ ნინო შალამბერიძე – ერთი ჩვეულებრივი დიასახლისი, რომლის საზრუნავს ოჯახის გარდა უამრავი ჯიშის აფრიკული ია წარმოადგენს. ყვავილების სიყვარული ბავშვობიდან გამომყვა. სწორედ ამ სიყვარულმა შემაქმნევინა აფრიკული იების კოლექცია, რომელიც 1000-ზე მეტ სახეობას ითვლის. ეს ციფრი ამ ბოლო დროს კი ძალიან სწრაფად იზრდება. იებში სულს და გულს ვაქსოვ, შვილებივით ვუვლი და ვზრდი მათ. თითოეული ფოთლის გახარება ჩემთვის დიდი დღესასწაულია. კიდევ უფრო დიდია სიხარული, როცა ია იშლება და ფერთა შეჯიბრი იწყება. თუკი ამ დღესასწაულს და სიხარულს თქვენც გაიზიარებთ, მე მხოლოდ მოხარული ვიქნები. ჩემი სახლის კარი ყოველთვის ყველასათვის ღიაა. შეაფასეთ და დატკბით ჩემი იების სილამაზით!